PLIADES azken belaunaldiko datu-espazioen erreferentziazko arkitekturak sustatzen dituen proiektua da, datuak IAren eta robotikaren aurrerabidearen funtsezko motor bihurtzeko. IAn oinarritutako tresnen garapenean zentratzen da, datuen bizi-ziklo osoa kudeatzeko, barne hartuta sorkuntza jasangarria (konpresioa, iragaztea, normalizazioa), biltegiratze segurua eta pribatutasunaren babesa estandar deszentralizatuen bidez. Proiektuak korridoreak, konektoreak eta IAn oinarritutako aurkikuntza-zerbitzuak ere sartzen ditu, datuen trukea, elkarreragingarritasuna eta denbora errealeko kalitatearen ebaluazioa hobetzeko.

PLIADES bat dator EBren ekimenekin, Datuen Europako Esparru Bateratua bultzatzeko, eta haren emaitzak baliozkotzen ditu mugikortasunaren, osasunaren, industriaren eta energiaren esparruetako sei erabilera-kasuren bidez. Erabilera-kasu horien helburua da CCAM eta ADAS/AD teknologiak hobetzea, gizakien eta roboten arteko interakzioa hobetzea, eta karbono-aztarna murrizten duten eta etorkizun berdeagoa sustatzen duten datu aurreratuen eta integratuen guneak hedatzea.

• Ingurumena errespetatzen duten eta mugikortasunaren, itun berdearen, energiaren, industriaren eta osasunaren arloetan testuinguruarekiko eta pertsonekiko sentikorrak diren datuak sortzeko ereduak eta metodoak ikertzea eta garatzea.
• Datuen pribatutasuna, segurtasuna, konfiantza eta subiranotasuna sustatzea, herritarrek eta erakundeek beren datuen gaineko kontrol handiagoa izan dezaten.
• Datuen deszentralizazio aurreratua sustatzea, biltegiratze-aukerak eta adimen artifizialarekin hobetutako bitartekariak zabalduz.
• Datu-espazioen artean konektore aurreratuak sortzea, ibilgailu elektrikoen, industriaren eta robotikaren arteko elkarreragingarritasuna ahalbidetzeko, datu-ziklo osoak integratuz erreferentziako arkitekturetan.
• Datuak modu deszentralizatuan prozesatzeko eta aztertzeko zerbitzu berritzaileak ematea; horri esker, informazioa denbora errealean lor daiteke, eta, aldi berean, datuen pribatutasuna, segurtasuna, konfiantza eta berrerabilera bermatzen dira.
• Garraioaren, energiaren, fabrikazioaren, osasunaren eta itun berdearen sektoreetan erabilera-kasuak ezartzea, ETEak, industria, erakunde publikoak eta herritarrak tartean sartuta.
• Datuak trukatzeko eta berrerabiltzeko negozio-eredu berriak garatzea, neutraltasunean eta altruismoan oinarritutako datuen bitartekotza-zerbitzuak babestuz, Datuen Gobernantzaren Legearekin bat etorriz.
• Sinergiak sortzea Europako ekimenekin (DSSC, Simpl, programa nazionalak), Datuen Europako Esparru Bateraturako estrategiak eta teknologiak eskainiz.

• CERTH (Coordinador)
• I4ByDesign
• Atlantis Engineering
• Vicomtech
• Eurecat
• Energy@Work
• TalTech
• Innovalia
• Tecnalia
• Industrias Puigjaner
• Blue Ocean Robotics
• CTU Praga
• THI
• ZERO
• UC3M
• Mondragon Unibesitatea
• KU Leuven
• CEIT
• IDSA
• TNO
• CICbioGUNE
• AVL
• White Research 
• Hypertech
• Libattion
• Switzerland Innovation Park
• Patric
• BasqueCCAM

PLIADESen helburua domeinuen arteko datu-trukea erraztea da, datu askotariko eta heterogeneoko espazioen erabiltzaileei datuak modu seguru eta arinean trukatzeko aukera emanez. Proiektuak datu-trukerako ekosistema moldakor bat garatzeko oinarriak ezartzen ditu, hainbat datu-espazio integratzen dituena. Hori lortzeko, IDS RAMen espezifikazioa handitu egiten da domeinu arteko datu-zerbitzuekin, IDS konektoreen gaitasunak handituz eta datuen kudeaketa deszentralizatua erraztuz, hurrengo irudian ageri den bezala. Gainera, proiektuak abangoardiako datuak integratzeko esparru bat aurkezten du, datuen bizi-ziklo osoa azpimarratzen duena, eta, aldi berean, ingurumen- eta segurtasun-faktoreak kontuan hartzen dituena.